لو كنت أطير

أه … لو كنت أطير
مثل عصفور صغير
حمام أو يمام
أو طير كبير
لايهم من أصير
يكفينى أن أطير
أحلق فى السماء
أذهب حيث أشاء
لاحدود ولاسدود
لاجسور ولاترع
ولا ضباط جوازات
لا اتوبيس أو تروللى
ولا تاكسي ولا مركب
أطير مع النسور
أصاحب الحمائم
وأطبطب على اليمام
واُلامس الغمام
وأدور بعينى وأسأل
أى الاشجار أجمل
اي الأشجار اطول
أبنى لى بيت هناك
بعيدا عن الظلم والظلام
بعيدا عن إخوان الشيطان
بعيد عن زوار الفجر
وأعين الأعداء
لاتزوير ولا رشوة
ولا اتعدل …..
انت بتكلم الباشا
لاإهانة ولا مهانة
والكرامة محفوظة
وان شفت يوم صياد
حاصرخ واقول له …..
حرام عليك
تاكل فى لحمى وانت منى
ده انا ابن عمك
ودمى دمك
ولحمى مر
زي لحمك
طير معايا
او سيبنى أطير
واللى مشغلينك
غسلوا مخك
جندوك أو دروشوك
ازاى علموك؟
تقتل نفسك وتقتل أخوك
ويمكن ابوك
شوف ياخويا .. يابن عمى
طول عمرى عارفك
راجل من ضهر راجل
أرمى لهم سلاحهم
أو أرمى لهم البعية
وفيهم اصرخ
وقول
لا .. الف لا
أخويا مش حاقتل
ولا ابن عمى ولا جاري
هو اللى باقى
وعنى حايسأل
لو قلت آه
ساعتكوا هانت
ويومكم قرب
وفوق رؤسكم
الطير حاينزل
ياخد بتارى
وتار اخويا
وابن عمى
وحنا جارى
ولو لقيت
ان ابن عمى
اتمسحت دماغه
حاطير لفوق
واسيب حبايبى
واهجر قرايبى
واروح ادور
على خل تانى
يمكن الاقى
على شجرة تانية
أمنى وأمانى
ويمكن أصاحب
حمامة تانية
أو نسر تانى
لو كنت أطير